திருப்பத்தூர் மாவட்டம், ஆதியூர் பெரியதாய் வட்டம் பகுதியைச் சேர்ந்தவர் முருகேசன் (30). இவர், சொந்தமாக டிராக்டர் வைத்து தொழில் செய்து வருகிறார். இவருக்கு தரணி (20) என்ற மனைவியும், 3 வயதில் பெண் குழந்தையும், 8 மாத ஆண் குழந்தையும் இருக்கும் நிலையில், அடிக்கடி முருகேசனும், அவரது அண்ணன் கோவிந்தராஜனும் தரணியிடம் வரதட்சணை கேட்டு கொடுமைப்படுத்தி வந்ததாக கூறப்படுகிறது.
இதற்கிடையில் நேற்று மாலை மீண்டும் இருவரும் தரணியிடம் வரதட்சணை கேட்டு கொடுமைப்படுத்தி, அவரது தாய் வீட்டிற்குச் சென்று பணம் வாங்கி வருமாறு கூறியுள்ளனர். உடனே அக்கம் பக்கத்தினர், இதுகுறித்து தரணியின் பெற்றோருக்கு தகவல் கொடுத்தனர். உடனே தரணியின் வீட்டிற்கு வந்த தாய், வீட்டிற்குள் சென்று பார்த்த போது, அவர் தூக்கில் தொங்கிய நிலையில் இறந்து கிடந்துள்ளார்.