தமிழ் மொழி அபார வளர்ச்சி கண்டுள்ளது: முன்னாள் அமைச்சர் கே.சி.வீரமணி

உலக நாடுகள் தமிழ் மொழியைக் குறிப்பிட்டு கூறும் அளவிற்கு அபார வளர்ச்சி அடைந்துள்ளது என முன்னாள் அமைச்சர் கே.சி.வீரமணி தெரிவித்துள்ளார்.

திருப்பத்தூர்: வாணியம்பாடியில் உள்ள அதிமுக மாவட்ட அலுவலகத்தில் மாணவர் அணி சார்பில் மொழிப்போர் தியாகிகளுக்கு வீர வணக்க நாள் பொதுக்கூட்டம் நடைபெற்றது.

இந்நிகழ்ச்சியில் முன்னாள் அமைச்சர் கே.சி.வீரமணி உள்ளிட்டோர் கலந்து கொண்டு தமிழுக்காக உயிர்நீத்த மொழிப்போர் தியாகிகளுக்கு வீர வணக்கம் செலுத்தினர்.

அப்போது செய்தியாளர்களிடம் கே.சி.வீரமணி கூறியதாவது, "தமிழ்நாட்டில் நீதிக்கட்சி தொடங்கிய காலம் முதல் இந்தி திணிப்பை எதிர்த்து வருகிறோம்.

உலகத்தலைவர்கள் இன்றைக்கு தமிழ் மொழியைக் குறிப்பிட்டு கூறும் அளவிற்கு அபார வளர்ச்சி அடைந்துள்ளது.

நம் முன்னோர்கள் சிறப்பை நாம் இன்று கடைப்பிடித்து வருகிறோம். எதிர்காலத்தில் தமிழ் மொழியின் சிறப்பை இளைஞர்கள் தெரிந்து கொள்ள வேண்டும்" என்றார்.

இதையும் படிங்க:கார் கண்ணாடியை உடைத்த 2 இளைஞர்கள் கைது