திருப்பத்தூர்:வாணியம்பாடி அருகே உள்ள வாரச்சந்தையில் ஒரு தனியார் நிறுவனத்துக்கு சொந்தமான மைதானத்தில் திடீரென இலவச வேட்டி, சேலை தருவதாகக் கூறி ஆயிரத்துக்கு மேற்பட்ட பொதுமக்கள் குவிந்தனர். தைப்பூசத்தை ஒட்டி அந்த பகுதி மக்களுக்கு இலவசமாக வேட்டி, சேலை வழங்குவதற்கான டோக்கனை தொழிலதிபர் ஐயப்பன் என்பவர் கொடுத்து இருக்கிறார்.
அப்போது, கடும் கூட்ட நெரிசல் ஏற்பட்டிருக்கிறது. இந்த நெரிசலில் சிக்கி 4 பெண்கள் சம்பவ இடத்திலேயே உயிரிழந்தனர். மேலும் 10க்கு மேற்பட்டவர்கள் மயங்கிக் கீழே விழுந்தனர். இந்த நிகழ்வுக்கு ஏற்பாடு செய்திருந்த ஐயப்பனின் நிறுவனத்தை சேர்ந்த 15 பேர் மட்டுமே கூட்டத்தைக் கட்டுப்படுத்தும் பணியில் இருந்தனர். அப்போது கூட்ட நெரிசலில் அவர்களும் ஓடியதாகக் கூறப்படுகிறது.