திருப்பத்தூர்ஆம்பூர் அடுத்த மாதனூர் சீதாப்புரம் பகுதியைச்சேர்ந்தவர் சரவணன் (36). விவசாயியான இவர், இன்று பிற்பகல் மாதனூர் பகுதியிலிருந்து சென்னை - பெங்களூரு தேசிய நெடுஞ்சாலையில் தனது இருசக்கர வாகனத்தில் சீதாபுரத்தில் உள்ள தனது வீட்டிற்குச்சென்று கொண்டிருந்தார்.
அப்போது நொண்டிகுப்பம் என்ற இடத்தில் சரவணன் சென்று கொண்டிருந்தபோது இருசக்கர வாகனத்தின் பக்கவாட்டு ஸ்டாண்ட் (side stand) எடுக்காததால் நிலைதடுமாறி சாலையோரம் இருந்த தடுப்புச்சுவரில் மோதி விபத்துக்குள்ளானது. இதில் தடுப்புச்சுவரில் இருசக்கர வாகனம் மோதிய வேகத்தில் சரவணன் தலை நசுங்கி சம்பவ இடத்திலேயே உயிரிழந்துள்ளார்.