ஜனநாயகக் கடமையாற்றிய முன்னாள் அமைச்சர்!

திருப்பத்தூர்: ஜோலார்பேட்டையில் முன்னாள் அமைச்சர் கே.சி. வீரமணி உள்ளாட்சித் தேர்தலுக்கான தனது வாக்கினைப் பதிவுசெய்தார்.

தமிழ்நாட்டில் விடுபட்டு ஒன்பது மாவட்டங்களுக்கு இன்று (அக்டோபர் 6) முதல்கட்ட ஊரக உள்ளாட்சித் தேர்தல் வாக்குப்பதிவு நடைபெறுகிறது. அதன்படி திருப்பத்தூர் மாவட்டத்தில் கந்திலி, நாட்றம்பள்ளி, ஜோலார்பேட்டை, திருப்பத்தூர் ஆகிய ஒன்றியங்களில் காலை 7 மணி முதல் வாக்காளர்கள் வாக்களித்துவருகின்றனர்.

இதனையடுத்து கே.சி. வீரமணி ஜோலார்பேட்டை ஒன்றியம் புள்ளானேரி அரசுப் பள்ளியில் தனது வாக்கினைப் பதிவுசெய்தார்.