ஆம்பூர் அருகே இளம்பெண் உடல் கண்டெடுப்பு

ஆம்பூர் அருகே ரயில்வே தண்டவாளத்தில் 25 வயது இளம் பெண்ணின் உடல் கண்டெடுக்கப்பட்டுள்ளது.

திருப்பத்தூர்: ஆம்பூர் அடுத்த பெரியாங்குப்பம் பகுதியில் பெங்களூரு-சென்னை ரயில்வே மார்க்கத்தில் 25 வயது இளம் பெண் உடல் கிடப்பதாக ஜோலார்பேட்டை இருப்புப்பாதை போலீசாருக்கு தகவல் கிடைத்தது.

அந்த தகவலின் அடிப்படையில், போலீசார் சம்பவயிடத்திற்கு விரைந்து, உடலை மீட்டு மருத்துவமனைக்கு அனுப்பி வைத்தனர். அப்போது பெண்ணின் முகம் முழுவதும் சிதைந்த நிலையில் இருந்துள்ளது. இதுகுறித்து தீவிர விசாரணை நடந்துவருகிறது.

முன்னதாக ஒடிசா மாநிலத்தை சேர்ந்தவர் மேகாஸ்ரீ(29) என்பவர் சென்னை ஐஐடிக்கு 3 மாத ஆராய்ச்சி பயிற்சிக்காக வந்திருந்த நிலையில், ஆவடி-இந்து கல்லூரி ரயில் நிலையம் அருகே ரயிலில் இருந்து தவறி விழுந்து உயிரிழந்தது குறிப்பிடத்தக்கது.

இதையும் படிங்க: பாலாற்று மேம்பாலத்தை உடைத்து கொண்டு விழுந்த கார்...