ஆம்பூரில் காரில் கொண்டுவரப்பட்ட ரூ.70 ஆயிரம் பறிமுதல்!

திருப்பத்தூர்: ஆம்பூர் அருகே உரிய ஆவணமின்றி காரில் கொண்டுவரப்பட்ட 70 ஆயிரம் ரூபாயை தேர்தல் பறக்கும் படையினர் பறிமுதல்செய்தனர்.

திருப்பத்தூர் மாவட்டம் ஆம்பூர் அடுத்த மாதனூர் சோதனைச்சாவடியில் இன்று (மார்ச் 18) அதிகாலை தேர்தல் பறக்கும் படையினர் தலைமையில் காவல் துறையினர் வாகன தணிக்கையில் ஈடுபட்டிருந்தனர்.

அப்போது, ஆந்திர மாநிலம் கடப்பாவிலிருந்து பருகூர் நோக்கிச் சென்றுகொண்டிருந்த கிரானைட் கல் வியாபாரி ஹரி சங்கர் என்பவரது காரில் உரிய ஆவணமில்லாமல் 70 ஆயிரம் ரூபாய் இருந்தது கண்பிடிக்கப்பட்டது.

இதையடுத்து, பறக்கும் படையினர் அந்தப் பணத்தைப் பறிமுதல்செய்து ஆம்பூர் சட்டப்பேரவைத் தொகுதி தேர்தல் நடத்தும் அலுவலர் கிருஷ்ணமூர்த்தியிடம் ஒப்படைத்தனர்.

இதையும் படிங்க:நாங்கள் கேட்டதும் மோடி பணம் தருவார் ஏனெனில் இது ஆன்மீகக் கூட்டணி' - ராஜேந்திர பாலாஜி