மத்திய அரசு நீட் தேர்வை அறிமுகப்படுத்தி கல்வியை பாழாக்கி விட்டது- வாகை சந்திரசேகர்

தூத்துக்குடி: மத்திய அரசு நீட் தேர்வு திட்டத்தை கொண்டுவந்து மாணவர்களின் கல்வியை பாழாக்கி விட்டதாக நடிகர் வாகை சந்திரசேகர் குற்றம் சாட்டியுள்ளார்.

தூத்துக்குடி நாடாளுமன்றத் தொகுதியில் திமுக சார்பில் போட்டியிடும் கனிமொழியை ஆதரித்து நடிகர் வாகை சந்திர சேகர் பரப்புரை மேற்கொண்டார்.

அப்போது அவர் கூறியதாவது, "மத்திய அரசு நீட் தேர்வு திட்டத்தை கொண்டுவந்து மாணவர்களின் கல்வியை பாழாக்கி விட்டது. மேலும் மக்கள் விரும்பாத ஹைட்ரோ கார்பன், ஷெல் கேஸ், நியூட்ரினோ திட்டங்களை மக்கள் மீது திணித்து அவர்களுக்கு எதிர்காலம் இல்லாமல் ஆக்க விட்டது.

தமிழ்நாட்டில் நடைபெறும்அதிமுக ஆட்சி பாஜகவின் பினாமி ஆட்சி.மேலும்மத்தியிலும், மாநிலத்திலும் உள்ள மக்கள் விரோத ஆட்சியினை மக்கள் தூக்கி எறிய வேண்டும். திமுக ஆட்சிக்கு வந்தால் புதிதாக ஒரு லட்சம் சாலைப் பணியாளர்கள் பணியமர்த்தப்படுவார்கள்" இவ்வாறு அவர் கூறினார்.