தூத்துக்குடி: திருச்செந்தூர் சுப்பிரமணிய சுவாமி கோவிலில் பக்தர்கள் செலுத்தும் உண்டியல் காணிக்கைகள் மாதத்திற்கு இருமுறை எண்ணப்படுவது வழக்கம். அந்த வகையில் இம்மாதத்திற்கான முதல் காணிக்கை எண்ணும் பணி, கோவில் வளாகத்தில் உள்ள காவடி மண்டபத்தில் நடந்தது.
கோவில் அறங்காவலர் குழு தலைவர் அருள்முருகன் தலைமையில், இணை ஆணையர்(பொறுப்பு) கார்த்திக் ஆகியோர் முன்னிலையில் உண்டியல் பணம் எண்ணப்பட்டன. சிவகாசி பதினெண் சித்தர் மடம் குருகுல வேத பாடசாலை உழவாரப் பணி குழுவினர் மற்றும் கோவில் பணியாளர்கள் இந்த உண்டியல் காணிக்கை எண்ணும் பணியில் ஈடுபடுத்தப்பட்டனர்.