ETV Bharat Tamil Nadu

தமிழ்நாடு

tamil nadu

ETV Bharat / state

தூத்துக்குடி ஆட்சியர் பெயரில் பணம் கேட்டு மோசடி.. தொடரும் கலெக்டர்கள் பெயரிலான சமூக வலைதள மோசடி! - தூத்துக்குடி கலெக்டர் பெயரில் பணம் கேட்டு மோசடி

தனது சுயவிவரப் படத்தை வைத்து சமூக வலைதளங்களில் பணம் கேட்டு வரும் செய்திகளை நம்ப வேண்டாம் என தூத்துக்குடி மாவட்ட ஆட்சியர் செந்தில்ராஜ் வேண்டுகோள் விடுத்துள்ளார்.

தூத்துக்குடி ஆட்சியர் பெயரில் பணம் கேட்டு மோசடி.. தொடரும் கலெக்டர்கள் பெயரிலான சமூக வலைத்தள மோசடி...
தூத்துக்குடி ஆட்சியர் பெயரில் பணம் கேட்டு மோசடி.. தொடரும் கலெக்டர்கள் பெயரிலான சமூக வலைத்தள மோசடி...
author img

By

Published : Jun 10, 2022, 3:56 PM IST

தூத்துக்குடிமாவட்ட ஆட்சியர் செந்தில்ராஜ் படத்தை வைத்து சமூக வலைதளங்களில் பணம் கேட்டு வாட்ஸ்அப் மூலம் வங்கிக் கணக்கிலும், ஆன்லைன் வாயிலாக கிஃப்ட் கார்டு உள்ளிட்டவற்றிற்கும் பணம் செலுத்துமாறும் கோரிய செய்திகள் வெளிவந்தன.

இந்நிலையில் தனது சுயவிவரப் படத்தை வைத்து சமூக வலைதளங்களில் பணம் கேட்டு வரும் செய்திகளை நம்ப வேண்டாம் என மாவட்ட ஆட்சியர் செந்தில்ராஜ் வேண்டுகோள் விடுத்துள்ளார்.

இந்தநிலையில், இதுகுறித்து மாவட்ட ஆட்சியர் செந்தில்ராஜ் வெளியிட்டுள்ள செய்திக்குறிப்பில், "சில ஏமாற்றுக்காரர்கள் மோசடி செய்ய வேண்டும் என்ற நோக்கில் தனது சுயவிவரப் படத்தை சமூக வலைதளங்களில் வைத்துப் பணம் கேட்டு செய்தி அனுப்பி வருவதாகத் தகவல் கிடைத்துள்ளது. ஆகவே, இதுபோன்று வரும் போலி செய்திகளை நம்ப வேண்டாம். இது குறித்து முறையாக சைபர் செல்லில் புகார் கொடுக்கப்படும்’’ என அவர் தெரிவித்துள்ளார்.

இதனிடையே, திருச்சி மாவட்ட ஆட்சியர் சு.சிவராசுவின் பெயரில், அவரது புகைப்படத்துடன் பொதுமக்களையும், அரசு அலுவலர்களையும் ஏமாற்றிப்பணம் பறிக்கும் நோக்குடன் 6378370419 என்ற வாட்ஸ்அப் எண் மூலம் வங்கி கணக்கிலும், ஆன்லைன் வாயிலாக கிஃப்ட் கார்டு உள்ளிட்டவற்றிற்கும் பணம் செலுத்துமாறு கோரி செய்திகள் பரவின என்பது குறிப்பிடத்தக்கது.

இதேபோல, திருப்பூர் மாவட்ட ஆட்சியரகத்தில் பணியாற்றும் அலுவலர்களுக்கு, ஆட்சியர் வினீத் பெயரில் போலி வாட்ஸ் அப் கணக்கில் இருந்து குறுஞ்செய்தி அனுப்பப்பட்டு பண மோசடி முயற்சி அரங்கேறிய சம்பவம் பரபரப்பை ஏற்படுத்தியுள்ளது.

இதையும் படிங்க: ஆடிப்போன மாவட்ட ஆட்சியர்.. என் பெயரிலேயே பண மோசடியா?

ஆட்சியர் பெயரிலேயே போலி வாட்ஸ் அப் கணக்கு! அலுவர்களுக்கு சென்ற அதிர்ச்சி குறுஞ்செய்தி

For All Latest Updates

TAGGED:

ABOUT THE AUTHOR

...view details