மின்கசிவால் தனியார் ஹோட்டலில் தீ விபத்து

தூத்துக்குடி: தனியார் ஹோட்டலில் மின்கசிவால் தீ விபத்து ஏற்பட்டது. இதனால் ஹோட்டலில் தங்கியிருந்த வாடிக்கையாளர்கள் மிகுந்த அதிர்ச்சியடைந்தனர்.

தூத்துக்குடி விஇ ரோட்டில் தனியார் ஹோட்டல் இயங்கி வருகிறது. நேற்று இரவு (நவ.22) 7.30 மணியளவில் ஹோட்டலின் கீழ்தளத்தில் திடீரென மின்கசிவு ஏற்பட்டது. இந்த மின்கசிவால் தீ விபத்து ஏற்பட்டு ஹோட்டல் மேல்தளம் வரை புகை பரவ தொடங்கியது. இதனால் ஹோட்டலில் தங்கியிருந்த வாடிக்கையாளர்கள் அதிர்ச்சியடைந்தனர்.

இது குறித்து தகவல் கிடைத்தவுடன் தூத்துக்குடி தீயணைப்பு நிலைய அலுவலர் சங்கரன், போக்குவரத்து நிலைய அலுவலர் அருணாசலம் ஆகியோர் தலைமையில் தீயணைப்பு நிலைய வீரர்கள் உடனே அங்கு வந்து ஹோட்டலின் மின்சார இணைப்பை துண்டித்து தண்ணீரை பீய்ச்சி அடித்து எரிந்து கொண்டிருந்த தீயை முழுமையாக அணைத்தனர்.

அதைத் தொடர்ந்து ஹோட்டல் அறைக்குள் இருந்தவர்களை பத்திரமாக மீட்டு கீழே அழைந்து வந்தனர். தீ விபத்து குறித்த தகவல் அருகில் குடியிருக்கும் பொதுமக்களிடம் பரவியதால் அப்பகுதியில் மக்கள் குவிந்தனர். இதனால் அப்பகுதியில் சிறிது நேரம் போக்குவரத்து பாதிப்பு ஏற்பட்டது.

இதையும் படிங்க: தொண்டு நிறுவனத்தில் கொதிகலன் வெடித்து 4 பேர் உயிரிழப்பு!