தூத்துக்குடி மாவட்டம் கோவில்பட்டி அருகேயுள்ள டி.சண்முகபுரத்திற்கு கோவில்பட்டியில் இருந்து கீழஈரால், விஜயாபுரி, கசவன்குன்று, செமபுதூர் வழியாக அரசுப் பேருந்து ஒன்றும், எட்டயபுரத்தில் இருந்து ராசப்பட்டிக்கு ஒரு அரசுப் பேருந்தும் இயக்கப்பட்டு வருகிறது.
கிராமங்களுக்கு பேருந்து இல்லாததால் பொதுமக்கள் திடீர் மறியல்!
தூத்துக்குடி: கிராமப்புற வழித்தடங்களில் இயக்கப்படும் அரசுப் பேருந்துகள், சனி, ஞாயிற்றுக்கிழமைகளில் நிறுத்தப்படுவதால் கிராம மக்கள் திடீரென சாலை மறியலில் ஈடுபட்டனர்.
strike
இந்த வழித்தடத்தில் இயக்கப்படும் அரசுப் பேருந்துகள் சனி, ஞாயிற்றுக்கிழமைகளில் தொடர்ச்சியாக நிறுத்தப்படுவதால் அப்பகுதி பொதுமக்கள், வியாபாரிகள், பள்ளி, கல்லூரி மாணவ-மாணவிகள் மிகவும் சிரமப்பட்டு வருகின்றனர்.
இதனையடுத்து, அவர்கள் கோவில்பட்டி பேருந்து நிலையத்தில் திடீரென சாலை மறியல் போராட்டத்தில் ஈடுபட்டனர். இதுகுறித்து தகவல் அறிந்த காவல்துறையினர், நிகழ்விடத்திற்கு வந்து சாலை மறியலில் ஈடுபட்ட மக்களுடன் பேச்சுவார்த்தை நடத்தினர். இதனால் பேருந்து நிலையத்தில் சிறிது நேரம் சலசலப்பு ஏற்பட்டது.