தூத்துக்குடி: வங்கக்கடலில் நிலவிவந்த காற்றழுத்த தாழ்வுப் பகுதி, தற்போது காற்றழுத்த தாழ்வு மண்டலமாக மாறியுள்ளது. நிவர் புயல் தமிழ்நாடு மக்களை அச்சுறுத்திவந்த நிலையில், தென்கிழக்கு வங்கக்கடலில் உருவாகியுள்ள காற்றழுத்த தாழ்வுப் பகுதி நேற்று காற்றழுத்த தாழ்வு மண்டலமாக வலுப்பெறும் எனக் கூறப்பட்டிருந்தது.
இந்நிலையில், தெற்கு வங்கக்கடலின் மையப்பகுதியில் காற்றழுத்தத் தாழ்வு மண்டலம் உருவாகியுள்ளது. இதனால், நாளை, நாளை மறுநாள் தமிழ்நாட்டில் கனமழை பெய்ய வாய்ப்புள்ளதாகத் தெரிகிறது.
தூத்துக்குடி துறைமுகத்தில் ஏற்பட்ட 1ஆம் எண் புயல் எச்சரிக்கை கூண்டு
இந்தக் காற்றழுத்த தாழ்வு மண்டலம் புயலாக மாறும் வாய்ப்பு உள்ளது. இந்தக் காற்றழுத்த தாழ்வு மண்டலம் மேற்கு நோக்கி நகர்ந்துவருவதால், தமிழ்நாட்டைத் தாக்குவதற்கான வாய்ப்புகள் குறைவாக உள்ளதாகத் தெரிகிறது.