என்எல்சி மின் நிலையத்தில் ஒப்பந்த தொழிலாளர்கள் வேலை நிறுத்தம்!

என்எல்சி தமிழ்நாடு மின் நிலையத்தில் ஒப்பந்த தொழிலாளர்கள் வேலை நிறுத்தம் 500 மெகாவாட் மின் உற்பத்தி நிறுத்தப்பட்டுள்ளது.

தூத்துக்குடி:கரோனா பேரிடர் காலத்தில் பணிநீக்கம் செய்யப்பட்ட தொழிலாளர்களுக்கு மீண்டும் வேலை வழங்க கோரி என்எல்சி தமிழ்நாடு அனல் மின் நிலைய ஒப்பந்த ஊழியர்கள் நேற்றிரவு (ஜூன் 14) முதல் தொடர் வேலை நிறுத்தத்தில் ஈடுபட்டு வருகின்றனர்.

இங்கு சுமார் ஆயிரத்து 200 ஒப்பந்த தொழிலாளர்கள் மூலமாக மின் உற்பத்தி நடைபெற்று வருகிறது. ஒப்பந்த தொழிலாளர்கள் வேலைநிறுத்தத்தை அடுத்து ஒரு யூனிட்டில் (500 மெகாவாட்) மின்உற்பத்தி நிறுத்தம் செய்யப்பட்டுள்ளது. மின் மற்றொரு யூனிட்டில் 250 மெகாவாட் மின் உற்பத்தி மட்டுமே நடைபெற்று வருகிறது.

மத்திய, மாநில அரசுகள் கூட்டாக (மத்திய அரசு 89 விழுக்காடும், மாநில அரசு 11 விழுக்காடும்) இணைந்து தூத்துக்குடியில் என்எல்சி தமிழ்நாடு பவர் லிமிடெட் என்ற அனல் மின் நிலையத்தில் தலா 500 மெகாவாட் வீதம் இரண்டு அலகுகளில் மொத்தம் ஆயிரம் மெகாவாட் மின் உற்பத்தி நடைபெற்று வருகிறது.

இதையும் படிங்க:அரசுப்பள்ளியில் அமைச்சர் நாசருக்கு சல்யூட் செய்த மாணவர்; பதில் சல்யூட் அடித்த அமைச்சர் - ஆய்வில் ருசிகரம்!