தூத்துகுடி மாவட்டம், கோவில்பட்டியில் கே.ஆர்.மருத்துவம் மற்றும் கல்வி அறக்கட்டளையின் சார்பில், கே.ஆர்.கல்வி நிறுவனங்கள், லட்சுமி அம்மாள் ஸ்போர்ட்ஸ் அகாடமியுடன் இணைந்து நடத்தும் லட்சுமி அம்மாள் நினைவு சுழற் கோப்பைக்கான 11ஆவது அகில இந்திய ஹாக்கிப் போட்டிகள் மே 16ஆம் தேதி முதல் கோவில்பட்டி செயற்கை புல்வெளி மைதானத்தில் பகல் இரவு ஆட்டமாக மின்னொளியில் நடைபெற்று வருகிறது.
இந்தியா முழுவதில் இருந்து 16 அணிகள் கலந்துக் கொண்டன. இப்போட்டியின் முதல் அரையிறுதி போட்டியில் சென்னை ஐசிஎப் அணி, பெங்களூர் ஹாக்கி அசோசியேஷன் அணிகள் மோதின. இதில், இதில் 6 - 2 என்ற கோல் கணக்கில் பெங்களூர் ஹாக்கி அசோசியேஷன் அணியை வீழ்த்தி சென்னை ஐசிஎப் அணி தகுதி பெற்றது.