தூத்துக்குடி: கலை நிகழ்ச்சிகள் மூலம் அரசு பள்ளிகளில் பயில்வது குறித்தும் அதிக மாணவ, மாணவிகளை சேர்க்கும் விதமாகவும், தூத்துக்குடி ஒருங்கிணைந்த பள்ளிக்கல்வி மற்றும் ஆதவா தொண்டு நிறுவனம் இணைந்து நடத்தும் அரசுப் பள்ளிகளில் மாணவர் சேர்க்கைக்கான விழிப்புணர்வு நிகழ்ச்சியானது, தூத்துக்குடி மாநகராட்சி சிவந்தாகுளம் நடுநிலைப்பள்ளி வளாகத்தில் நடைபெற்றது.
மாவட்ட ஆட்சியர் செந்தில் ராஜ் தலைமையில், மாவட்ட முதன்மைக்கல்வி அலுவலர் பாலதண்டாயுதபாணி முன்னிலையில் நடைபெற்ற நிகழ்ச்சியில், பெற்றோர், மாணவ, மாணவிகள் திரளானோர் கலந்து கொண்டனர். இந்நிகழ்ச்சிக்கு, திடீர் விசிட் அடித்த சமூக நலத்துறை அமைச்சர் கீதா ஜீவன் இந்நிகழ்ச்சிக்கு ஏன் தங்களை அழைக்கவில்லை? உள்ளூர் சட்டப்பேரவை உறுப்பினராக நான் இருக்கிறேன் என தெரியாதா என முதன்மைக்கல்வி அலுவலரிடம் வாக்குவாதத்தில் ஈடுபட்டார்.
அப்போது பேசிய தூத்துக்குடி, முதன்மைக்கல்வி அலுவலர் பாலதண்டாயுதபாணி தமிழ்நாட்டில் பல பகுதிகளில் இந்நிகழ்ச்சி நடைபெற்று வருகிறது. 'அங்கே மாவட்ட ஆட்சியரை கூட அழைக்கவில்லை; தூத்துக்குடியில் மட்டும் தான் ஆட்சியரை அழைத்து நிகழ்ச்சி நடத்துகிறோம்' எனக் கூறினார்.