சாத்தான்குளம் தந்தை, மகன் கொலை வழக்கில் கைதான காவலருக்கு ஜாமீன்

சாத்தான்குளம் தந்தை, மகன் கொலை வழக்கில் சிறையிலிருக்கும் காவலர் சாமதுரைக்கு இடைக்கால ஜாமீன் வழங்கி உயர் நீதிமன்ற மதுரைக் கிளை உத்தரவிட்டுள்ளது.

மதுரை: தூத்துக்குடி மாவட்டம், சாத்தான்குளத்தில் தந்தை, மகனான ஜெயராஜ், பெனிக்ஸ் உயிரிழந்த வழக்கில் கைது செய்யப்பட்ட காவலர் சாமதுரை இடைக்கால ஜாமீன் கோரி மனு தாக்கல் செய்திருந்தார்.

அந்த மனுவில், 'சாத்தான்குளத்தில் தந்தை ஜெயராஜ், மகன் பெனிக்ஸ் உயிரிழந்த விவகாரம் தொடர்பாக கைது செய்யப்பட்டு, தற்போது மதுரை மத்திய சிறையில் இருக்கும் காவலர் சாமதுரையின் தாயார் உயிரிழந்துவிட்டார். தாயாருக்கு இறுதிச்சடங்கு செய்வதற்காக இடைக்கால ஜாமீன் வழங்க வேண்டும்" எனக் குறிப்பிடப்பட்டது.

இந்த வழக்கு நீதிபதி முரளிசங்கர் முன்பாக விசாரணைக்கு வந்தது. அப்போது நீதிபதி, காவலர் சாமதுரையின் தாயார் இறந்த நிலையில் அவருக்கு இறுதிச்சடங்கு செய்வதற்காக சாமதுரைக்கு மூன்று நாள்கள் இடைக்கால ஜாமீன் வழங்கி உத்தரவிட்டார்.

இதையும் படிங்க:யானை வேட்டையை தடுக்க தமிழ்நாடு உள்பட மூன்று மாநில அரசுகள் ஒருங்கிணைய வேண்டும்