தூத்துக்குடி மாவட்டம், சாத்தான்குளம் தைக்கா தெருவைச் சேர்ந்தவர் மார்ட்டின் (45). பைனான்சியராக உள்ளார். இவருக்கும் அதே பகுதியைச் சேர்ந்த மைதீன் மீரான் (33) என்பவருக்கும் பணம் கொடுக்கல் வாங்கலில் பிரச்சனை ஏற்பட்டு, முன்விரோதம் இருந்தது. இந்நிலையில் மார்ட்டின் தனது சகோதரரான மணிகண்டன் (37) என்பவருடன் இருசக்கர வாகனத்தின் சாத்தான்குளம் பள்ளிவாசல் அருகே வந்து கொண்டிருந்தார்.
அப்போது அதே பகுதியைச் சேர்ந்த பாபு சுல்தான் (50), மைதீன் மீரான் (33), புகாரி (29), ரஸ்ருதியின் (29), பிலால் (23), பாரீஸ் (25), காதர் (28) ஜிந்தா (27), மகதும் (63), செந்தில் என்ற பெட்ரோல் செந்தில் (45), அப்துல் சமது (45), மேலும் சிலர் இணைந்து மார்ட்டினை வழிமறித்து அரிவாள், கத்தியால் தாக்கி கொலை செய்து பின் அங்கிருந்து தப்பியோடினர்.