தமிழ்நாடு மெர்க்கன்டைல் வங்கி சுழற்கோப்பைக்கான அகில இந்திய அளவில் கல்லூரிக்களுக்கிடையேயான கூடைப்பந்து போட்டி கடந்த 17ஆம் தேதி முதல் தூத்துக்குடி ஜிம்கானா கிளப்பிலுள்ள ராமகிருஷ்ணன் நினைவு மின்னொளி மைதானத்தில் நடைபெற்றுவருகிறது.
தூத்துக்குடி மாவட்ட கூடைப்பந்து கழகம் நடத்தும் 9ஆவது அகில இந்திய அளவிலான இப்போட்டியில் சென்னை லயோலா, பெங்களூரு ஜெயின், கேரள மார் இவோனியாஸ் கல்லூரி உள்ளிட்ட 12 அணிகள் பங்கேற்றுள்ளன.
நேற்று பெண்கள் பிரிவில் நடைபெற்ற லீக் போட்டியில் எம்.ஒ.பி. வைஷ்ணவ் கல்லூரி அணியும், செயின்ட் ஜோசப் கல்லூரி அணியும் மோதின. முடிவில் 62 - 42 புள்ளிகள் பெற்று எம்.ஒ.பி.வைஷ்ணவ் அணி வெற்றிபெற்றது.
அடுத்து மார் இவியான்ஸ் அணியும் எத்திராஜ் அணியும் மோதியதில் 53 - 50 என்ற புள்ளிகள் கணக்கில் மார் இவியான்ஸ் அணி போராடி வெற்றிபெற்றது.