அகில இந்திய ஹாக்கி போட்டி - கர்நாடக அணியை வீழ்த்திய சென்னை அணி

தூத்துக்குடி: லட்சுமி அம்மாள் நினைவு சுழற்கோப்பைக்கான அகில இந்திய ஹாக்கிப் போட்டியின் தொடக்க நாளில் சென்னை ஐ.சி.எப் அணி கர்நாடகா ஹாக்கி கூர்க் அணியை வீழ்த்தியது.

கோவில்பட்டி, கே.ஆர்.மருத்துவம் மற்றும் கல்வி அறக்கட்டளையின் சார்பில், கே.ஆர்.கல்வி நிறுவனங்கள், இலட்சுமி அம்மாள் ஸ்போர்ட்ஸ் அகாடமியுடன் இணைந்து நடத்தும் பதினொறாம் ஆண்டு லட்சுமி அம்மாள் நினைவு சுழற்கோப்பைக்கான அகில இந்திய ஹாக்கிப் போட்டிகள் நேற்று முதல் வரும் 26ஆம் தேதி வரை கோவில்பட்டி கிருஷ்ணநகர் செயற்கை புல்வெளி மைதானத்தில் பகல் இரவு ஆட்டமாக மின்னொளியில் நடைபெறுகிறது.

மொத்தம் 11 நாட்கள் நடைபெறும் இந்த ஹாக்கிப் போட்டிகள் பல்வேறு மாநிலங்களைச் சேர்ந்த 16 அணிகள் பங்கேற்க உள்ளன. கனரா வங்கி - பெங்களுர், ஈஸ்ட் கோஸ்ட் ரயில்வே - புவனேஷ்வர், தமிழ்நாடு போலீஸ் - சென்னை, பெங்களுர் ஹாக்கி அசோசியேஷன்ஸ் - பெங்களுர், ஆல் இந்தியா கஸ்டம்ஸ் ரூ ஜிஎஸ்டி - மும்பை, சாய் - சென்னை, இந்தியன் பேங்க் - சென்னை, சவுத் சென்ட்ரல் ரயில்வே - செகந்தராபாத், ஹாக்கி கூர்க் - கர்நாடகா, பிஇஜி ரூ சென்டர் கிர்கீ ஹாக்கி - புனே, ஐசிஎப் - சென்னை, சிஐஎஸ்எப் - சண்டிகர், யூனியன் வங்கி - மும்பை, நேஷனல் ஹாக்கி அகாடமி - நியூடெல்லி, தெற்கு இரயில்வே - சென்னை மற்றும் லட்சுமி அம்மாள் ஸ்போர்ட்ஸ் அகாடெமி - கோவில்பட்டி ஆகிய அணிகள் கலந்து கொள்ள உள்ளன.

இப்போட்டிகள் கால் இறுதி ஆட்டம் வரை லீக் முறையிலும், அரை இறுதி மற்றும் இறுதி போட்டிகள் அனைத்தும் நாக் அவுட் முறையிலும் நடைபெறுகிறது.தொடக்க நாளான நேற்று முதல் போட்டியில் கோவில்பட்டி லட்சுமி அம்மாள் ஸ்போர்ட்ஸ் அகாடமி - நியூடெல்லி நேஷனல் ஹாக்கி அகாடெமி அணிகள் மோதின. இதில் டெல்லி அணி 3-0 என்ற கோல் கணக்கில் வெற்றி பெற்றது. தமிழ்நாடு போலீஸ் அணியுடன் நடைபெற்ற இரண்டாவது போட்டியில் பெங்களுர் கனரா வங்கி அணி 4 - 1 என்ற கோல் கணக்கில் வெற்றி பெற்றது. மூன்றாவதாக கர்நாடகா ஹாக்கி கூர்க் அணியுடனான போட்டியில் சென்னை ஐ.சி.எப் 3 -1 என்ற கோல் கணக்கில் வெற்றி பெற்றது.

இன்று நடைபெறும் (17.05.2019) போட்டியில் : யூனியன் வங்கி, மும்பை - தெற்கு ரயில்வே சென்னை (மாலை 4.30), ஹாக்கி பெங்களுர், பெங்களுர் மற்றும் சாய்;, சென்னை (மாலை 6.30),சிஏஎஸ்எப், சண்டிகர் - கனரா வங்கி, பெங்களுர் (இரவு 8.30) ஆகிய அணிகள் பலபரீட்சை நடத்துகின்றன.