20 மக்களவைத் தொகுதிகளுக்கான வேட்பாளர்கள் பட்டியல் மற்றும் 18 சட்டமன்ற தொகுதிகளுக்கான வேட்பாளர்கள் பட்டியலை அதிமுக ஒருங்கிணைப்பாளர் ஓ. பன்னீர்செல்வம், இணை ஒருங்கிணைப்பாளர் பழனிசாமி ஆகிய இருவரும் சமீபத்தில் கூட்டாக வெளியிட்டுள்ளனர்.
இதில், விளாத்திகுளம் சட்டப்பேரவை தொகுதி வேட்பாளராக அதிமுக சார்பில் கட்சியின் இலக்கிய அணி செயலரும், முன்னாள் சட்டமன்ற உறுப்பினருமான பி. சின்னப்பன் (50) அறிவிக்கப்பட்டுள்ளார்.
இவர் அதிமுகவில் ஆரம்ப காலத்திலிருந்து உறுப்பினராக இருந்து வருகிறார். அதிமுகவில் ஒன்றிய மாணவரணி, மாவட்ட மாணவரணி, எம்ஜிஆர் இளைஞரணி உள்ளிட்ட பொறுப்புகள் வகித்துள்ளார். தற்போது அதிமுகவின் மாநில இலக்கிய அணி செயலராக உள்ளார். இவர் 2001-2006 ஆம் ஆண்டு மாவட்ட ஊராட்சி குழு உறுப்பினராகவும், மாவட்ட ஊராட்சி துணைத்தலைவராகவும் பதவி வகித்துள்ளார்.
கடந்த 2006-2011 ஆம் ஆண்டு வரை அதிமுக சட்டப்பேரவை உறுப்பினராக இருந்துள்ளார். ரியல் எஸ்டேட் மற்றும் விவசாய தொழில் செய்து வருகிறார். இவருக்கு அதிமுகவில் மீண்டும் வாய்ப்பளிக்கப்பட்டுள்ளது.