கரோனா ஊரடங்கு உத்தரவு காரணமாக தமிழ்நாடு முழுவதும் 10ஆம் தேதி முதல் 24ஆம் தேதி வரை ஊரடங்கு அமல்படுத்தப்பட்டுள்ளதால், சில கட்டுப்பாட்டு விதிமுறைகளுடன் அத்தியாவசியப் பொருள்கள் விற்கும் கடைகள் தவிர அனைத்து இடங்களும் மூடப்பட்டுள்ளன.
இந்நிலையில், தூத்துக்குடி மாவட்டம், கோவில்பட்டி பகுதியில் சட்டவிரோதமாக மதுபானம் விற்பனை நடைபெறுவதாக மாவட்டக் காவல் கண்காணிப்பாளர் ஜெயக்குமாருக்கு ரகசியத் தகவல் கிடைத்தது. இதையடுத்து கோவில்பட்டி காவல் துணை கண்காணிப்பாளர் கலை கதிரவன், கிழக்கு காவல் நிலைய காவல் ஆய்வாளர் தங்கராஜ் ஆகியோர் தலைமையில் காவலர்கள் தீவிர கண்காணிப்புப் பணியில் ஈடுபட்டனர்.