களைகட்டிய விளையாட்டுப் போட்டிகள்- ஆர்ப்பரித்த மக்கள்

திருவாரூர்: காணும் பொங்கலை முன்னிட்டு ஆரூரான் விளையாட்டுக் கழகம் சார்பில் 37ஆம் ஆண்டு விளையாட்டுப் போட்டிகள் நடைபெற்றன.

தமிழ்நாடு முழுவதும் நேற்று காணும் பொங்கல் சிறப்பாகக் கொண்டாடப்பட்டது. இதன் ஒரு பகுதியாக திருவாரூரில் ஆரூரான் விளையாட்டுக் கழகம் சார்பில் 37ஆம் ஆண்டு விளையாட்டுப் போட்டிகள் நடைபெற்றன.

இதில், காலை முதலே கோலப்போட்டி, ஓட்டப்பந்தயம், சைக்கிள் போட்டி, நீச்சல் போட்டி, குதிரை ரேக்ளா ரேஸ்கள் உள்ளிட்ட பல்வேறு போட்டிகள் நடைபெற்றன. இந்தப் போட்டிகளில் பெண்கள், சிறியவர், இளைஞர்கள் என அனைவரும் ஆர்வமுடன் கலந்துகொண்டனர்

இறுதியில் வெற்றி பெற்றவர்களுக்கு பரிசுகள் வழங்கப்பட்டன. மேலும், கடந்த 4 ஆண்டுகளுக்குப் பிறகு குதிரைப்பந்தயம் இடம்பெற்ற காரணத்தினால் மக்கள் மத்தியில் நல்ல வரவேற்பு கிடைத்தது.

இதையும் படிங்க: சொன்னதை செய்த ஸ்டாலின் - நன்றி தெரிவித்த வில்சன் குடும்பத்தினர்