லைசென்ஸ் துப்பாக்கிகளை திரும்ப ஒப்படைக்க உத்தரவு

திருவாரூர்: திருவாரூர் மாவட்டத்தில் லைசென்ஸ் பெற்றுள்ள துப்பாக்கிகளை திரும்ப ஒப்படைக்கும்படி மாவட்ட ஆட்சியர் ஆனந்த் தெரிவித்துள்ளார்.

திருவாரூர் மாவட்ட ஆட்சியர் அலுவலகத்தில் வாக்காளர் விழிப்புணர்வு உறுதிமொழி ஏற்பு நிகழ்ச்சி நடைபெற்றது. இதில் மாவட்ட ஆட்சியர் ஆனந்த் தலைமையில் மாவட்ட அலுவலக ஊழியர்கள் உறுதிமொழி ஏற்றுக்கொண்டனர். பின்னர் மாவட்ட ஆட்சியர் அலுவலகத்தில் செயல்பட்டு வரும் ஊடக மையம், வாக்காளர் தொடர்பு மையத்தை மாவட்ட ஆட்சியர் பார்வையிட்டு ஆய்வு செய்தார்.

வாக்காளர் விழிப்புணர்வு உறுதிமொழிஏற்பு நிகழ்ச்சி

பின்னர் செய்தியாளர்களிடம் அவர் கூறுகையில், "திருவாரூர் மாவட்டத்தில் தேர்தல் விதிமுறைகள் நடைமுறைக்கு வந்தது முதல் இதுவரை வாகன சோதனை மூலமாக ரூ.53 லட்சம் பறிமுதல் செய்யப்பட்டுள்ளது. மாவட்டத்தில் உரிமம் பெற்ற துப்பாக்கிகளை வைத்துள்ளவர்கள் உடனடியாக மாவட்ட ஆட்சியர் அலுவலகத்தில் ஒப்படைக்க உத்தரவிடப்பட்டுள்ளது. திருவாரூர் மாவட்டத்தை பொருத்தவரை இதுவரை 72 பதட்டமான வாக்குச்சாவடிகள் கண்டறியப்பட்டுள்ளது. காவல்துறை உதவியுடன் பதட்டமான வாக்குச்சாவடிகள் குறித்து கண்டறியப்பட்டு வருகிறது", என்றார்.