கோயில் சுற்றுச்சுவர் இடிந்து விழுந்து முதியவர் உயிரிழப்பு!

திருவாரூர்: திருத்துறைப்பூண்டி அருகே முதியவர் மீது கோயில் சுற்றுச்சுவர் இடிந்து விழுந்து சம்பவ இடத்திலேயே அவர் பரிதாபமாக உயிரிழந்தார்.

திருவாரூர் மாவட்டம் திருத்துறைப்பூண்டி அருகே பழையங்குடி கிராமத்தில் பிரகதீஸ்வரர் ஆலயம் உள்ளது. அரசு சார்பில் பராமரிக்கப்பட்டு வரும் இந்த கோயிலின் சுற்றுச்சுவர் பல ஆண்டுகளாகவே பராமரிப்பு இல்லாமலும், தொடர் மழை காரணமாகவும் சிதலமடைந்து காணப்படுகிறது.

இந்நிலையில், அப்பகுதியைச் சேர்ந்த மாரியப்பன் (72) என்ற முதியவர் சைக்கிளில் அவ்வழியாகச் செல்லும்போது திடீரென கோயில் சுவர் இடிந்து, அவர் மேல் விழுந்ததில் சம்பவ இடத்திலேயே அவர் உயிரிழந்தார்.

இதுகுறித்து, ஆலிவலம் காவல் துறையினர் தகவல் தெரிவித்தனர். தகவலறிந்து விரைந்து வந்து சடலத்தை மீட்டு உடற்கூறாய்விற்காக மருத்துமனைக்கு அனுப்பிவைத்தனர். இது தொடர்பாக, காவல் துறையினர் வழக்குப்பதிவு செய்து விசாரணை மேற்கொண்டு வருகின்றனர்.

இதையும் படிங்க:ரயிலில் இருந்து இறங்க முயற்சித்த ஆடிட்டர் ரயில் சக்கரத்தில் சிக்கி உயிரிழப்பு!