திருத்துறைப்பூண்டி அருகேயுள்ள ஆதிரங்கம் பகுதியில் செயல்பட்டுவரும் பகுதிநேர நியாயவிலைக் கடையில், பயோமெட்ரிக் முறையில் ரேஷன் பொருள்கள் வழங்கும் திட்டம் நடைமுறைப்படுத்தப்பட்டுள்ளது. இத்திட்டம் நடைமுறைப்படுத்தப்பட்டதிலிருந்து பல்வேறு வகையான சிக்கல்கள் எழுந்துள்ளன.
முறையாக கைரேகையே பதிவு செய்யமுடியாததால் பொதுமக்கள் நீண்ட நேரம் வரிசையில் காத்து நிற்கவேண்டியதிருக்கிறது. அவ்வாறு இன்று நீண்ட நேரம் காத்துக்கொண்டிருந்த மூதாட்டி ஒருவர் வெயிலின் தாக்கத்தால் மயக்கமடைந்தார். அருகிலிருந்தவர்கள் அவருக்கு தண்ணீர் கொடுத்து அமரவைத்தனர். பயோமெட்ரிக் முறைக்கு பொதுமக்களிடம் கடும் எதிர்ப்பு கிளம்பியுள்ளது.
வெயிலின் தாக்கத்தினால் மயங்கி விழுந்த மூதாட்டி