ஸ்டாலின் பிறந்தநாள்: பிறந்த குழந்தைகளுக்கு பூண்டி கலைவாணன் மோதிரம் அணிவிப்பு

திருவாரூர்: திமுக தலைவர் ஸ்டாலின் பிறந்தநாளை முன்னிட்டு மருத்துவமனையில் பிறந்த குழந்தைகளுக்கு தங்க மோதிரத்தை சட்டப்பேரவை உறுப்பினர் பூண்டி கலைவாணன் அணிவித்தார்.

திமுக தலைவர் மு.க. ஸ்டாலினின் பிறந்தநாளை (மார்ச் 3) முன்னிட்டு தமிழ்நாடு முழுவதும் திமுகவினர் இனிப்புகள் வழங்கியும் பொதுமக்களுக்கு பல்வேறு நலத்திட்ட உதவிகள் வழங்கியும் தொடர்ந்து கொண்டாடிவருகின்றனர்.

அதனையொட்டி திருவாரூரில் திமுக இளைஞரணி துணை செயலாளர் ரஜினிசின்னா தலைமையில், விஜயபுரம் அரசு மருத்துவமனையில் மார்ச் 1ஆம் தேதி பிறந்த குழந்தைகளுக்கு தங்க மோதிரம் அணிவிக்கும் நிகழ்ச்சி நடைபெற்றது.

இந்நிகழ்ச்சியில் திருவாரூர் சட்டப்பேரவை உறுப்பினர் பூண்டி கலைவாணன் கலந்துகொண்டு பச்சிளம் குழந்தைகளுக்குத் தங்க மோதிரம் அணிவித்து அவர்களுக்குத் தேவையான உபகரணங்களை வழங்கினார். இந்நிகழ்ச்சியில் ஏராளமான திமுகவினர் கலந்துகொண்டனர்.

இதையும் படிங்க:ஸ்டாலின் நீதிமன்றத்தில் ஆஜராக உத்தரவு