தமிழ்நாட்டின் முன்னாள் முதலமைச்சர் ஜெயலலிதாவால், ஏழைப் பெண்களுக்கு திருமண உதவியுடன் 'தாலிக்குத் தங்கம்' வழங்கும் திட்டம் செயல்படுத்தப்பட்டது. இத்திட்டத்தின்கீழ் எட்டு கிராம் தங்கமும், பட்டப்படிப்பு படித்தவர்களுக்கு ரூ.50 ஆயிரமும் , பட்டப்படிப்பு அல்லாதவர்களுக்கு ரூ.25 ஆயிரமும் திருமண உதவித் தொகையாக வழங்கப்படுகிறது.
திருவாரூரில் 'தாலிக்குத் தங்கம்' வழங்கும் நிகழ்ச்சி!
திருவாரூர் மாவட்ட ஆட்சியர் கூட்டரங்கில் ஏழைப்பெண்களுக்கு திருமண உதவியுடன், 'தாலிக்குத் தங்கம்' வழங்கும் நிகழ்ச்சி நடைபெற்றது. மாவட்ட சமூக நலத்துறை சார்பில் நடத்தபட்ட இந்த நிகழ்ச்சியில் 10 ஒன்றியங்களைச் சேர்ந்த 2 ஆயிரம் நபர்கள் பயனடைந்தனர். இந்நிகழ்ச்சியில் பயனாளிகளுக்கு உணவுத்துறை அமைச்சர் காமராஜ், ரூ. 6 கோடியே 90 லட்சம் மதிப்புள்ள திருமண உதவித்தொகையையும், ரூ. 5 கோடியே 96 லட்சத்து 16 ஆயிரம் மதிப்புள்ள தங்க நாணயமும் வழங்கினார்.