தமிழ்நாடு முழுவதும் ஒருபுறம் கரோனா தொற்று பாதிப்பானது நாளுக்கு நாள் அதிகரித்து வரும் நிலையில், மற்றொருபுறம் ஊரடங்கு உத்தரவில் தளர்வுகள் மேற்கொள்ளப்பட்டும் வருகிறது. மேலும், தமிழ்நாடு அரசு சார்பில், வெளி மாநிலங்களில் பல்வேறு பகுதிகளில் பணியாற்றி வந்த ஆயிரக்கணக்கானோர் சொந்த ஊர்களுக்கு மீண்டும் அழைத்து வரப்பட்டு வருகின்றனர்.
அந்த வகையில் திருவாரூர் மாவட்டத்தைச் சேர்ந்த வெளி மாநிலங்களில் பணியாற்றி வந்த நூற்றுக்கும் மேற்பட்டோர் தற்போது சொந்த மாவட்டத்திற்கு திரும்பியுள்ளனர். இவர்கள் அனைவரும் திருவாரூர் மாவட்டம், நீலக்கரையில் உள்ள தமிழ்நாடு மத்திய பல்கலைக்கழகத்தில் அமைக்கப்பட்டுள்ள கரோனா தனிமைப்படுத்தப்பட்ட வார்டில் அனுமதிக்கப்பட்டு, கண்காணிக்கப்பட்டு வருகின்றனர்.