அமைச்சர் நிவாரணம் வழங்கிய இடத்தில் மக்களிடையே தள்ளுமுள்ளு

திருவண்ணாமலை: செங்கம் அருகே கூலித் தொழிலாளர்களுக்கு அத்தியாவசியப் பொருள்களை இந்து சமய அறநிலையத்துறை அமைச்சர் சேவூர் ராமச்சந்திரன் வழங்கும்போது கூட்டம், அதிகமானதால் தள்ளுமுள்ளு ஏற்பட்டது.

கரோனா தடுப்பு ஊரடங்கு உத்தரவால், திருவண்ணாமலை மாவட்டம் செங்கம் அடுத்த சாத்தனூர் பகுதியில் ஏராளமான கூலித் தொழிலாளர்கள் வேலையின்றி தவித்து வந்தனர்.

ஆகவே, அவர்களுக்கு அத்தியாவசியப் பொருள்களை இந்து சமய அறநிலையத்துறை அமைச்சர் சேவூர் ராமச்சந்திரன் நேரில் சென்று வழங்கினார். பின்னர் கூட்டம் அதிகமாகக் கூடியதால், சமூக இடைவெளியைக் கடைபிடிக்காமல் மக்கள் ஒருவர் மீது ஒருவர் மோதிக்கொண்டு நிவாரணப் பொருள்களை வாங்க முண்டியடித்துச் சென்றனர்.

அதனைத் தொடர்ந்து சாத்தனூர் காவல் துறையினர் பொதுமக்களிடையே சமூக இடைவெளியை கடைப்பிடிக்க வைக்க இயன்றவரை போராடினர். கூட்டத்தைக் கட்டுப்படுத்த முடியாததால் தள்ளுமுள்ளு ஏற்பட்டது. அப்போது ஒருவருக்கு ஒருவர் போட்டி போட்டு, கீழே விழுந்து நிவாரணப் பொருள்களை தூக்கிச் சென்றனர்.

இதையும் படிங்க: கேள்விலாம் கேக்காத நா பதில் சொல்லுவேன்' - காவலர்களுடன் அதிமுக பிரமுகர் ரகளை