செய்தியாளர்களைச் சந்தித்த ஐஜி கண்ணன்
திருவண்ணாமலைவடக்கு மண்டல ஐஜி கண்ணன் இன்று (பிப்.13) செய்தியாளர்களைச் சந்தித்தார். அப்போது பேசிய அவர்,“திருவண்ணாமலை மாவட்டத்தில் நடந்த அனைத்து ஏடிஎம் கொள்ளைச் சம்பவங்களும் அதிகாலை 2-4 மணி முதல் நடைபெற்றுள்ளது. ஒரே கும்பல் தான் இந்த கொள்ளை சம்பவங்களில் ஈடுபட்டுள்ளனர். இதே போல சம்பவம் மகாராஷ்டிரா, மத்திய பிரதேசம், ஒடிசா, அசாம் ஆகியப் பகுதிகளில் நடைபெற்றுள்ளது.
தற்போது ஐந்து எஸ்பி-க்கள் தலைமையில் ஒன்பது தனிப்படைகள் அமைக்கப்பட்டு, இந்த கொள்ளைச் சம்பவம் குறித்து தீவிர விசாரணை மேற்கொள்ளபட்டு வருகிறது. 2021ஆம் ஆண்டு தமிழ்நாட்டில் உள்ள ஏடிஎம் மையங்களில் நடைபெற்ற கொள்ளை சம்பவத்தில் ஈடுபட்ட கும்பல் தான் இந்த கொள்ளைச் சம்பவத்திலும் ஈடுபட்டுள்ளது.