அநாதையாக வந்த முதியவரை அரவணைத்த கிராமத்தினர்
திருவண்ணாமலை: வந்தவாசி அடுத்த மாம்பட்டு கிராமத்திற்கு சுமார் 45 வருடங்களுக்கு முன்பு ராமநாதபுரம் மாவட்டத்திலிருந்து அநாதையாக ஆதரவு தேடி ஒரு நபர் வந்துள்ளார். அப்போது அந்த கிராமத்தைச் சேர்ந்த நபர்களே அவருக்கு சபரிமுத்து என பெயர் வைத்து, வீடு வீடாக தினமும் அவருக்கு உணவு வழங்கி வந்துள்ளனர்.
பல்வேறு சூழ்நிலைகளில் அந்த கிராம மக்களோடு ஒருங்கிணைந்து சபரிமுத்து ஒன்றாக வாழ்ந்து வந்தார். வயது முதிர்வு காரணமாக உடல் நலிவுற்று இருந்த சபரிமுத்துவை செங்கல்பட்டு அரசு மருத்துவமனையில் வைத்து கிராம மக்கள் சிகிச்சைப் பார்த்து வந்துள்ளனர். இந்நிலையில் சிகிச்சைப் பலனின்றி நேற்று முன்தினம் சபரிமுத்து உடல் நலக்குறைவால் காலமானார்.