திருவண்ணாமலை வ.உ.சி. நகரைச் சேர்ந்தவர் விமல் (28), கடந்த ஒன்றரை ஆண்டுகளாக சீனாவிலுள்ள ஷாங்காய் மாகாணத்தில் மென்பொருள் பொறியாளராகப் பணியாற்றிவருகிறார்.
இந்நிலையில் சீனாவில் கரோனோ வைரஸ் தீவிரமாகப் பரவத் தொடங்கியதையடுத்து, கடந்த 19ஆம் தேதி சென்னை திரும்பினார். விமான நிலையத்தில் அவருக்கு தீவிர பரிசோதனைகள் மேற்கொள்ளப்பட்டு, மூன்று நாள்கள் மருத்துவக் கண்காணிப்பில் வைக்கப்பட்டு அதன் பின்னரே அவரது சொந்த ஊரான திருவண்ணாமலைக்கு அனுப்பிவைக்கப்பட்டார்.
மருத்துவமனையில் அனுமதிக்கப்பட்ட சீனாவிலிருந்து திருவண்ணாமலை வந்த மென்பொருள் பொறியாளர்
இந்நிலையில், நேற்று இரவு அவருக்குச் சளி, இருமலுடன் உடல்நிலை மோசமடையத் தொடங்கியதையடுத்து பதற்றமடைந்த விமல், திருவண்ணாமலை அரசு மருத்துவக் கல்லூரி மருத்துவமனையில் உடனடியாக அனுமதிக்கப்பட்டார்.