திருவண்ணாமலை:தமிழ்நாட்டில் முழு ஊரடங்கு அமலில் உள்ளது. இந்த நிலையில் அத்தியாவசிய பொருட்களுக்கான கடைகளுக்கு மட்டும் காலை 12 மணிவரை திறந்திருக்க அனுமதி அளிக்கப்பட்டுள்ளது. வழக்கமான இடத்தில் இருந்து பேருந்துநிலையங்கள் திறந்த வெளிகளுக்கு மாற்றப்பட்டுவருகின்றன.
திருவண்ணாமலையில் தற்காலிகமாக நகரின் மத்திய பேருந்து நிலையத்தில் மொத்த பூ மார்க்கெட் இன்று (மே.12) முதல் இடமாற்றம் செய்யப்பட்டுள்ளது. ஊரடங்கு காலத்தில் பகல் 12 மணி வரை மட்டும் கடைகள் செயல்படும் என அறிவிக்கப்பட்டுள்ளதால், விவசாயிகள் தங்கள் பூக்கள் விற்பனை ஆகாமல் நின்று விடுமோ என அச்சத்தில் சமூக இடைவெளியை மறந்து பூக்களை விற்பனை செய்ய கூட்டமாக குவிந்து நின்றனர்.