திருவண்ணாமலை:ஆரணி அருகே தச்சூர் கிராமத்தைச் சேர்ந்தவர், விவசாயி சுந்தர். இவரது நிலத்தின் அருகில் நேரு - சகாதேவன் சகோதரர்களின் நிலம் உள்ளது. முன்னதாக இருதரப்பினருக்கும் இடையே நிலத்தகராறு தொடர்பாக முன்விரோதம் இருந்துள்ளது. இதனால் கடந்த 2013ஆம் ஆண்டு விவசாயி சுந்தரை, நேரு மற்றும் அவரது குடும்பத்தைச் சேர்ந்த சகாதேவன், சடையாண்டி, சேட்டு, சக்திவேல் மற்றும் வெங்கடேசன் ஆகியோர் இணைந்து கொலை வெறி தாக்குதல் நடத்தியுள்ளனர்.
அப்போது அவரை விவசாய கிணற்றில் தள்ளி கொலை செய்துள்ளனர். பின்னர் இச்சம்பவம் குறித்து சுந்தர் மனைவி காயத்ரி அளித்த புகாரின் பேரில், ஆரணி தாலுகா காவல் துறையினர் வழக்குப்பதிவு செய்தனர். தொடர்ந்து இதில் சம்மந்தபட்ட 6 பேரையும் காவல் துறையினர் கைது செய்தனர்.