திருவண்ணாமலையில் சதுரங்க விளையாட்டு விழிப்புணர்வு போட்டி

திருவண்ணாமலை மாவட்ட பள்ளி மாணவர்களிடையே விழிப்புணர்வு ஏற்படுத்தும் வகையில், தனியார் பள்ளி ஒன்றில் சதுரங்க போட்டியை மாவட்ட ஆட்சியர் பா.முருகேஷ் தொடங்கி வைத்தார்.

திருவண்ணாமலை: மாமல்லபுரத்தில் 44 ஆவது செஸ் ஒலிம்பியாட் போட்டி ஜூலை 27 முதல் ஆகஸ்ட் 10 வரை நடைபெற உள்ளது. இது குறித்த விழிப்புணர்வு நிகழ்ச்சிகளை நடத்துவதற்கு தலைமைச் செயலாளர் மற்றும் இளைஞர் நலன் விளையாட்டு துறை முதன்மை செயலாளர் காணொளி காட்சி மூலம் அனைத்து மாவட்ட ஆட்சியர்களுக்கு உத்தரவிட்டனர்.

அதன் ஒரு பகுதியாக திருவண்ணாமலை மாவட்ட பள்ளி மாணவர்களிடையே விழிப்புணர்வு ஏற்படுத்தும் வகையில், தனியார் பள்ளி ஒன்றில் சதுரங்க போட்டிக்கு ஏற்பாடு செய்யப்பட்டிருந்தது.

இதனை மாவட்ட ஆட்சியர் பா.முருகேஷ் இன்று (ஜூலை 16) தொடங்கி வைத்தார். பின்னர் போட்டியில் வெற்றி பெற்றவர்களுக்கு பரிசுகள் வழங்கப்பட்டன.

இதையும் படிங்க: திருவள்ளூரில் செஸ் ஒலிம்பியாட் விழிப்புணர்வு மாரத்தான் ஓட்டம்