திருவண்ணாமலையில் ஒரேநாளில் 146 பேருக்கு கரோனா

திருவண்ணாமலை: மாவட்டத்தில் இன்று (ஜூலை 17) ஒரே நாளில் மட்டும் 146 பேருக்கு கரோனா நோய் தொற்று பாதிப்பு உறுதி செயப்பட்டுள்ளது.

திருவண்ணாமலை மாவட்டத்தில் நேற்று ( ஜூலை 16) வரை கரோனா நோய் தொற்றால் பாதிக்கப்பட்டவர்களின் எண்ணிக்கை 3 ஆயிரத்து 559 ஆக இருந்தது. இன்று ( ஜூலை 17) புதிதாக 146 பேருக்கு நோய் தொற்று உறுதியானது. இதனால் மாவட்டம் முழுவதும் பாதிக்கப்பட்டவர்களின் எண்ணிக்கை 3 ஆயிரத்து 705 ஆக உயர்ந்துள்ளது.

நேற்று( ஜூலை 16) வரை கரோனா நோய்த் தொற்றால் பாதிக்கப்பட்டு, சிகிச்சை பெற்று குணமடைந்து வீடு திரும்பியவர்களின் எண்ணிக்கை 2087 ஆக உள்ளது. சிகிச்சை பலனின்றி 26 பேர் உயிரிழந்துள்ளனர்.

சென்னையிலிருந்து வந்த 4 பேர், திருப்பூரிலிருந்து வந்த ஒருவர், நோயாளியுடன் தொடர்பில் இருந்த 33 பேர், இரண்டாம் நிலை நோய்த்தொற்று பெற்ற 27 பேர், புறநோயாளிகள் பிரிவில் இருந்து 68 பேர், முன் களப்பணியாளர்கள் 4 பேர், மற்ற மாவட்டங்களில் இருந்து அனுப்பப்பட்ட 9 பேர் உள்ளிட்ட 146 பேருக்கு இன்று மட்டும் கரோனா நோய் தொற்று உறுதி செய்யப்பட்டுள்ளது.

நோய் தொற்றால் பாதிக்கப்பட்டவர்கள் திருவண்ணாமலை அரசு மருத்துவக் கல்லூரி மருத்துவமனை, மாவட்டத்தின் பல்வேறு இடங்களில் உருவாக்கப்பட்டுள்ள கரோனா வார்டில் சிகிச்சை பெற்று வருகின்றனர்.