திருவண்ணாமலை மாவட்டம் மாவட்ட ஆட்சியர் வளாகத்தில் அமைந்துள்ள மாவட்ட விளையாட்டு அரங்கில் முதலமைச்சர் கோப்பை விளையாட்டுப் போட்டிகளை இந்து சமய அறநிலையத்துறை அமைச்சர் சேவூர் ராமச்சந்திரன் தொடங்கி வைத்தார். இந்த நிகழ்ச்சியில் மாவட்ட வருவாய் அலுவலர் ரத்தினசாமி, திருவண்ணாமலை மாவட்ட கூட்டுறவு பால் உற்பத்தியாளர்கள் ஒன்றிய தலைவர் அக்ரி கிருஷ்ணமூர்த்தி, விளையாட்டு வீரர்கள், வீராங்கனைகள் கலந்து கொண்டனர்.
25 வயதுக்கு உட்பட்டவர்களுக்கான போட்டியில், 1,350 க்கும் மேற்பட்ட விளையாட்டு வீரர், வீராங்கனைகள் பங்கேற்றனர். நேற்று கூடைப்பந்து, கைப்பந்து, கபடி, ஹாக்கி ஆகிய போட்டிகள் நடைபெற்றன. இன்று டென்னிஸ், இறகுப்பந்து, ஜூடோ, குத்துச்சண்டை , தடகளம், நீச்சல் போட்டிகள் நடைபெற உள்ளன.
அமைச்சர் சேவூர் ராமச்சந்திரன்