திருவண்ணாமலை அருணாசலேசுவரர் கோயிலில் ஆடிப்பூரம் பிறம்மோற்சவ விழாவை முன்னிட்டு பராசக்தி அம்மனுக்கு சிறப்பு அபிஷேக ஆராதனை நடைபெற்று சிறப்பு அலங்காரத்தில் எழுந்தருளி வளைகாப்பு விழா நடைபெற்றது.
பஞ்சபூத ஸ்தலங்களில் அக்னி ஸ்தலமாக விளங்குகின்ற எல்லாம் வல்ல அண்ணாமலையார் உடனாகிய உண்ணாமலை அம்மன் கோயிலில் ஆடிப்பூரம் பிறம்மோற்சவம் கடந்த 23 ஆம் தேதி உண்ணாமலை அம்மன் சன்னதியில் உள்ள தங்க கொடிமரத்தில் கொடியேற்றத்துடன் தொடங்கியது.
அம்மனுக்கு வளைகாப்பு விழா
அதனை தொடர்ந்து கடந்த பத்து நாட்களும் தினமும் காலையும் மாலையும் பராசக்தி அம்மன் கோயிலின் நான்கு மாத வீதிகளில் பவனி வந்தார். பத்தாம் நாளான இன்று பராசக்தி அம்மனுக்கு சிவகங்கை புன்னிய தீர்த்த குளத்தில் மதியம் தீர்த்தவாரி நடைபெற்றது.