திருவண்ணாமலை: செங்கம் அடுத்த காந்திநகர் பகுதியில் சிதம்பரத்திலிருந்து பெங்களூரு நோக்கிச் சென்ற அரசு பேருந்தும், பெங்களூருவிலிருந்து திருவண்ணாமலைக்குக் காய்கறி பாரம் ஏற்றி வந்த லாரியும் இன்று அதிகாலை நேருக்கு நேர் மோதிக்கொண்டது.
இந்த கோர விபத்தில் அரசு பேருந்து ஓட்டுநர், பேருந்தில் பயணம் செய்த பயணி ஒருவர் மற்றும் சரக்கு லாரியில் பயணம் செய்த ஒருவர் என மூவர் பரிதாபமாக உயிரிழந்தனர். மேலும், பேருந்தில் பயணித்த 30க்கும் மேற்பட்ட பயணிகள் படுகாயங்களுடன் மீட்கப்பட்டு செங்கம் அரசு மருத்துவமனையில் சிகிச்சைக்காக அனுமதிக்கப்பட்டுள்ளனர்.