திருவண்ணாமலை வந்தடைந்த காவேரி கூக்குரல் இயக்கத்தினர்

திருவண்ணாமலை: மகாரஷ்டிராவிலிருந்து 1,400 கி.மீ தொலைவு மிதிவண்டி பயணம் மேற்கொண்டுள்ள காவேரி கூக்குரல் இயக்கத்தினர் திருவண்ணாமலை வந்தடைந்தனர்.

நாடு முழுவதும் உள்ள நதிகளை இணைக்கும் முயற்சியில் ஈஷா யோகா மையத்தின் நிறுவனர் ஜக்கி வாசுதேவ், சில நடவடிக்கைளை மேற்கொண்டுவருகிறார். அந்த வகையில் இந்தாண்டு காவேரி கூக்குரல் என்ற அமைப்பை உருவாக்கி அதன் மூலம் காவேரி நதிக்கரையில் 242 கோடி மரக்கன்றுகளை நட திட்டமிட்டுள்ளார்.

இந்நிலையில், கடந்த டிசம்பர் 14ஆம் தேதி காவேரி கூக்குரல் இயக்கத்தினர் 20 பேர் காவேரியை இக்கணமே காப்போம் என்ற முழக்கத்துடன், பத்தாயிரம் மரக்கன்றுகளுக்கு நிதி திரட்ட மகாராஷ்டிராவிலிருந்து கோவை ஈஷா மையம் வரை ஐந்து மாநிலங்களைக் கடந்து 1,400 கி.மீ. தொலைவான மிதிவண்டி பயணத்தைத் தொடங்கினர்.

இதைத் தொடர்ந்து, அவர்கள் அனைவரும் திருவண்ணாமலை அண்ணாமலையார் திருக்கோயில் வந்தடைந்தனர். அப்போது, சுவாமி தரிசனம் செய்துவிட்டு பின்னர் தங்களுடைய பயணத்தைத் தொடர்ந்தனர்.

இதையும் படிங்க: