குளத்தை காப்பதற்காக வாட்ஸ்அப் மூலம் இணைந்த கைகள்!

திருவள்ளூர்: பொன்னேரி அகத்தீஸ்வரர் கோவிலில் உள்ள திருகுளத்தை சுத்தம் செய்ய வாட்ஸ்அப் மூலம் குழு அமைத்து ஆட்களை திரட்டி சுத்தம் செய்தனர்.

திருவள்ளூர் மாவட்டம் பொன்னேரியில் உள்ள அகத்தீஸ்வரர் கோவிலில் உள்ள திருகுளத்தில் பிளாஸ்டிக், குப்பைகளால் நீர் நிலை முற்றிலுமாக பாதிக்கப்பட்டு மாசடைந்துள்ளது. இதனால் கோவில் முழுவதும் துர்நாற்றம் வீசி வந்தது. இந்நிலையில், குளத்தை சுத்தம் செய்யும் நோக்கில் வாட்ஸ்அப் மூலம் குழு தொடங்கி அதன் மூலம் தகவல் அனுப்பி ஆட்களை திரட்டி குளத்தை சுத்தம் செய்துள்ளனர். இப்பணியில், பல்வேறு பகுதிகளில் இருந்து கல்லூரி, பள்ளி மாணவர்கள், தன்னார்வ தொண்டர்கள் ஆர்வமுடன் வந்து குளத்தினை தூய்மைபடுத்தும் பணியில் ஈடுபட்டனர்.