விதிமீறல்: திருவள்ளூரில் 11 கடைகளுக்கு அபராதம்

திருவள்ளூர்: அரசின் விதிமுறைகளை மீறி செயல்பட்ட 11 பெரிய கடைகளுக்கு நகராட்சி ஆணையர் சந்தானம் 45 ஆயிரம் ரூபாய் அபராதம் விதித்தார்.

தமிழ்நாட்டில் கரோனா தொற்றின் இரண்டாம் அலை வேகமாகப் பரவிவருவதால் தமிழ்நாடு அரசு தளர்வுகளுடன்கூடிய ஊரடங்கை அமல்படுத்தியது. அதன்படி திருவள்ளூர் மாவட்டத்திலும் அரசு விதித்த விதிமுறை பின்பற்றப்படுகிறது.

இந்நிலையில் மாவட்ட நகராட்சி ஆணையர் சந்தானம் திருவள்ளூரில் உள்ள கடைகளில் திடீர் ஆய்வு மேற்கொண்டார். அப்போது தி சென்னை சில்க், ஆர்.எம். ஜூவல்லர்ஸ், எம்.எம். சில்க், ஸ்ரீ ஜெய் கிருஷ்ணர் டெக்ஸ்டைல், ஸ்ரீகுமரன் டெக்ஸ்டைல், யாஸ்மின் டெக்ஸ்டைல், ரிலையன்ஸ் ட்ரெண்டு, ஸ்ரீ சில்க் உள்ளிட்ட கடைகள் அரசின் உத்தரவை மீறி செயல்பட்டதால் அக்கடைகளுக்கு 45 ஆயிரம் ரூபாயை அபராதமாக விதித்தார்.

மேலும் இதனையும் மீறி கடைகள் செயல்பட்டால் கடைகளுக்கு சீல் வைக்கப்படும் என்று எச்சரித்தார். பின்னர் செய்தியாளர்களிடம் அவர் பேசுகையில், "கரோனா தொற்றின் இரண்டாம் அலையைக் கட்டுப்படுத்தும்விதமாக சலூன் கடை, உணவுக் கடை, துணிக்கடை ஆகிய அனைத்தும் தற்சமயம் மூடப்பட வேண்டும்.

மேலும் பொதுமக்கள் அனைவரும் முகக்கவசம் அணிய வேண்டும், தகுந்த இடைவெளியைக் கடைப்பிடிக்க வேண்டும்" என்று தெரிவித்தார்.