திருவள்ளூா்: 108 திவ்ய தேசங்களில் ஒன்றான திருவள்ளூா் ஶ்ரீ வைத்திய வீரராகவப் பெருமாள் திருக்கோயிலில் தை மாத பிரமோற்சவ விழா நேற்று முன்தினம் (ஜன.27) காலை கொடியேற்றத்துடன் தொடங்கியது. கரோனா நோய் தொற்று பரவல் காரணமாக சுவாமி திருவீதி புறப்பாடு ரத்து செய்யப்பட்டு கோயில் வளாகத்தில் புறப்பாடு நிகழ்ச்சி நடைபெறும் என கோயில் நிர்வாகம் அறிவித்தது.
இதையடுத்து, நேற்று முன்தினம் காலை 5.50 மணிக்கு தை பிரம்மோற்சவ விழா கொடியேற்றத்துடன் தொடங்கியது. தொடர்ந்து காலை 7 மணிக்கு தங்க சப்பரத்தில் ஶ்ரீ வைத்திய வீரராகவப் பெருமாள் ஸ்ரீதேவி, ஶ்ரீபூதேவி சமேதராக கோயில் வளாகத்தில் உலா வந்து செல்வர் மண்டபத்தில் பக்தர்களுக்கு அருள்பாலித்தார்.