ஆரணி கரையோர மக்களுக்கு வெள்ள அபாய எச்சரிக்கை

திருவள்ளூர்: ஆந்திர மாநிலம் பிச்சாட்டூர் ஏரியிலிருந்து தண்ணீர் திறப்பதால் ஆரணி கரையோர பொதுமக்களுக்கு மாவட்ட ஆட்சியர் வெள்ள அபாய எச்சரிக்கைவிடுத்துள்ளார்.

திருவள்ளூர் மாவட்ட ஆட்சியர் பொன்னையா ஆரணி கரையோர பொதுமக்களுக்கு வெள்ள அபாய எச்சரிக்கைவிடுத்துள்ளார்.

பிச்சாட்டூர் ஏரியிலிருந்து மூன்றாயிரம் அடி தண்ணீர் இன்று (டிச. 03) காலை 11.00 மணிக்குத் திறக்கப்பட உள்ளது, இந்தத் தண்ணீரானது பிற்பகல் 2 மணி அளவில் தமிழ்நாடு எல்லைப்பகுதியான சுருட்டப்பள்ளி வந்தடையும் என எதிர்பார்க்கப்படுகிறது.

இந்த அணையிலிருந்து திறக்கப்படும் தண்ணீரானது ஊத்துக்கோட்டை, பெரியபாளையம், ஆரணி, பொன்னேரி வழியாக பழவேற்காடு சென்றடையும். எனவே திருவள்ளூர் மாவட்ட ஆட்சியர் பொன்னையா கரையோர மக்களைப் பாதுகாப்பாக இருக்குமாறு அறிவுறுத்தி உள்ளார்.