திருவள்ளூர் மாவட்டம்:கும்மிடிப்பூண்டி அருகே பெத்திக் குப்பத்தில் சென்னையிலிருந்து கொல்கத்தா செல்லும் தேசிய நெடுஞ்சாலையில் இளைஞர்கள் மூன்று பேர் ஒரே இரு சக்கர வாகனத்தில் சென்று உள்ளனர். அப்போது இளைஞர்கள் பைக்கில் செல்வதை வீடியோ எடுத்தபடியே முன்னால் சென்று கொண்டிருந்த லாரியை முந்தி செல்ல முயன்றதாக கூறப்படுகிறது.
இதில் லாரியை முந்திச்செல்ல முயலும்போது, இரு சக்கர வாகனம் விபத்தில் சிக்கி உள்ளது. இதனால் மூவரும் மேம்பாலத்தில் இரு சக்கர வாகனத்தில் இருந்து சிதறி விழுந்து உள்ளனர். மூவரும் சம்பவ இடத்திலேயே பரிதாபமாக உயிர் இழந்தனர். இந்தச் சம்பவம் குறித்து அப்பகுதியில் உள்ளோர் காவல் துறைக்குத் தகவல் கொடுத்து உள்ளனர். தகவல் அறிந்து சம்பவ இடத்திற்கு விரைந்து வந்த போலீசார் விசாரணை நடத்தி உள்ளனர்.
இதையும் படிங்க:கள்ள மது குடித்த இருவர் பலி.. மதுவில் சயனைடு விஷம் கண்டுபிடிப்பு... திட்டமிட்ட கொலையா?