திருவள்ளூர்: திருவள்ளூரை அடுத்த திருப்பாச்சூர் கிராமத்தைச் சேர்ந்தவர், விக்டர். மாற்றுத்திறனாளியான இவர், பல்வேறு மாற்றுத்திறனாளிகளுக்கான கிரிக்கெட் போட்டியில் பங்கேற்று சிறப்பாக விளையாடி வருகிறார். இவ்வாறு மாற்றுத்திறனாளிகளுக்கான கிரிக்கெட் போட்டியில் தமிழ்நாட்டின் பல்வேறு பகுதிகளில் திறமையாக விளையாடி வெற்றி பெற்றதால், விக்டர் இந்திய மாற்றுத்திறனாளிகளுக்கான கிரிக்கெட் அணிக்கு தேர்வாகி உள்ளார்.
இந்த நிலையில் கிரிக்கெட் வீரர் விக்டரை, திருவள்ளூர் மாவட்ட ஆட்சியர் ஆல்பி ஜான் வர்கீஸ் நேரில் அழைத்து தனது வாழ்த்துக்களை தெரிவித்தார். மேலும் விக்டர், வருகிற மார்ச் 3ஆம் தேதி நேபாளத்தில் நடைபெற இருக்கும் கிரிக்கெட் போட்டியில் இந்திய அணி சார்பாக பங்கு பெற உள்ளார். அதேநேரம் தமிழ்நாட்டின் வீரர்களில் இவர் மட்டுமே இந்திய அணியில் தேர்வாகி உள்ளார் என்பது குறிப்பிடத்தக்கது.