திருவள்ளூர் மாவட்டம் திருவாலங்காடு ஒன்றியம் குப்பம் கண்டிகை ஆற்றங்கரையில் இன்று காலை நான்கு பேர் கொண்ட கும்பல், கஞ்சா போதையில் கையில் கத்தியுடன் இருந்துள்ளனர். இதைக்கண்ட பொதுமக்கள் அவர்களிடம் விசாரித்தபோது நான்கு பேரும் முன்னுக்குப்பின் முரணாக போதையில் உளறினர்.
இதனால் சந்தேகம் அடைந்த பொதுமக்கள் அவர்களை சுற்றி வளைத்து தர்ம அடி கொடுத்தனர். பின்னர் திருவாலங்காடு காவல்நிலையத்திற்கு தகவல் தெரிவித்தனர். இதனையடுத்து சம்பவ இடத்திற்கு விரைந்துவந்து காவல் துறையினர் போதையில் கத்தியுடன் இருந்த நான்கு பேரை பிடித்துச்சென்றனர்.
அதிமுக ஒன்றிய கவுன்சிலரை கொலை செய்ய முயற்சி