துக்க நிகழ்ச்சிக்கு சென்றுவிட்டு வீடு திரும்பிய நபர் விபத்தில் உயிரிழப்பு

திருவள்ளூர்: துக்க நிகழ்ச்சிக்கு சென்றுவிட்டு வீடு திரும்பிய நபர் விபத்தில் பரிதாபமாக உயிரிழந்தார்.

சென்னை கொளத்தூர் பகுதியைச் சேர்ந்தவர் முருகன் (45). இவர், திருத்தணி பகுதியில் உறவினரின் துக்க நிகழ்ச்சிக்கு, தனது இருசக்கர வாகனத்தில் சென்றார்.

இந்நிலையில், அங்கிருந்து வீடு திரும்பும் வழியில், காக்களூர் பால் பண்ணை அருகே வந்து கொண்டிருந்த போது, அவர் மீது பால் வண்டி மோதி விபத்துக்குள்ளானது. இதில் முருகன் சம்பவ இடத்திலேயே உயிரிழந்தார்.

இது குறித்து தகவலறிந்து சம்பவ இடத்திற்கு விரைந்த காவல் துறையினர் சடலத்தை மீட்டு உடற்கூராய்விற்காக அரசு மருத்துவமனைக்கு அனுப்பி வைத்தனர். மேலும் விபத்து குறித்து வழக்குப்பதிவு செய்து, தீவிர விசாரணை மேற்கொண்டுவருகின்றனர்.

இதையும் படிங்க: பனை மரத்தின் மீது இரு சக்கர வாகனம் மோதி விபத்து: இருவர் பலி