மூன்று சிறுமிகளுக்கு பாலியல் தொல்லை... 74 வயது முதியவருக்கு 16 ஆண்டுகள் சிறை...

ஆவடியில் 3 சிறுமிகளுக்கு பாலியல் தொல்லை கொடுத்து போக்சோ வழக்கில் கைதான 74 வயது முதியவருக்கு 16 ஆண்டுகள் சிறை தண்டனை விதிக்கப்பட்டுள்ளது.

திருவள்ளூர் மாவட்டம் ஆவடி காவல் ஆணையரகம் கட்டுப்பாட்டில் உள்ள அனைத்து மகளிர் காவல் நிலையத்தில் 2018ஆம் ஆண்டு ஆவடி காமராஜர் நகரைச் சேர்ந்த 8 வயது சிறுமியின் தாயார் புகார் மனு ஒன்றை கொடுத்திருந்தார். அதில் தனது மகளுக்கு பக்கத்து வீட்டுக்காரரான 74 வயது முதியவர் பாலியல் தொல்லை கொடுத்ததாக தெரிவித்திருந்தார். இதுகுறித்த வழக்கு திருவள்ளூர் மாவட்ட மகிளா நீதிமன்றத்தில் நடைபெற்று வந்த நிலையில், மேலும் 2 சிறுமிகளுக்கு பாலியல் தொல்லை கொடுத்தது விசாரணையில் தெரியவந்தது.

இந்த நிலையில் வழக்கின் விசாரணை முடிந்ததையடுத்து இன்று(செப்.29) திருவள்ளூர் மாவட்ட மகளிா நீதிமன்ற நீதிபதி சுபத்திராதேவி அதிரடி தீர்ப்பு வழங்கினார். அந்த தீர்ப்பில், 3 சிறுமிகளுக்கு பாலியல் தொல்லை கொடுத்த 74 வயது முதியவருக்கு 16 ஆண்டுகள் கடுங்காவல் தண்டனையும், 4,500 ரூபாய் அபராதமும் விதித்திருந்தார். தீர்ப்புக்குப் பின் 74 வயது முதியவர் புழல் மத்திய சிறைக்கு கொண்டு செல்லப்பட்டார்.

இதையும் படிங்க:11 வயது சிறுமிக்கு பாலியல் தொல்லை கொடுத்த வழக்கு - 64 வயது முதியவருக்கு 20 ஆண்டுகள் கடுங்காவல் தண்டனை